Leikfélag Akureyrar - LA

Öll vitum við að Jólaguðspjallið er einstaklega fallegt og hátíðlegt, en það er ekki síður átakanleg. Trúðarnir láta allt flakka, umbúðalaust. Þeim er ekkert óviðkomandi, þeir velta við öllum steinum, snúa öllu á hvolf og segja allan sannleikann – og ekkert nema sannleikann. Jafnvel þótt hann sé grimmur. Eða fyndinn.

Trúðar þeirra Halldóru Geirharðsdóttur og Bergs Þórs Ingólfssonar eru löngu orðnir landsþekktir, en í Jesús litla bætist trúðurinn hennar Kristjönu Stefánsdóttur, Bella í hópinn með himneska tóna í farteskinu.  

Dauðasyndirnar voru án efa ein eftirminnilegasta sýningin á íslenskum leikhúsfjölum á síðasta ári. Þar fluttu trúðarnir dásamlegu hinn Guðdómlega gleðileik Dantes – og fóru frjálslega með.  Nú snúa trúðarnir aftur og takast á við sjálft Jólaguðspjallið.
Leikstjórinn Benedikt Erlingsson hefur hemil á trúðunum eftir bestu getu og söngkonan Kristjana Stefánsdóttir töfrar fram himneska tóna með hjálp trúðsins Bellu.

Höfundur

• Benedikt Erlingsson
• Bergur Þór Ingólfsson
• Halldóra Geirharðsdóttir
• Kristjana Stefánsdóttir

Leikstjórn

• Benedikt Erlingsson

Leikmynd

• Snorri Freyr Hilmarsson

Lýsing

• Magnús Helgi Kristjánsson

Tónlist

• Kristjana Stefánsdóttir

Leikarar

• Bergur Þór Ingólfsson
• Halldóra Geirharðsdóttir
• Kristjana Stefánsdóttir

Fyrri sýning trúðanna, Dauðasyndirnar var tilnefnd til fimm Grímuverðlauna, m.a. sem leiksýning ársins. Gagnrýnendur og áhorfendur héldu vart vatni, hér eru nokkrar umsagnir:

„Ég var alveg orðin tvöföld í sætinu af hlátri ... sýningin er dýrleg leikhúsreynsla“
Silja Aðalsteinsdóttir, TMM

„Sýningin er bráðfyndin og skemmtileg en með háalvarlegum tóni.“
Ingibjörg Þórisdóttir, Morgunblaðið

„Fyrsta flokks. Ekki missa af Dauðasyndunum.“
Páll Baldvin Baldvinsson, Fréttablaðið